القاهرة – السابعة الاخبارية
نور النبوي، كشف دفاع محصل الكهرباء ضحية الدهس أسفل سيارة الفنان نور النبوي، تفاصيل خطواتهم القانونية القادمة ضد نور النبوي، موضحا أنهم سيطلبون تحليل مخدرات للفنان.
وقال محامي ضحية دهس نور النبوي، في تصريحات تليفزيونية: نور اختفى من يوم الأربع والمعاملة الأول كانت كويسة جدًا، وبعد كده مبقاش حد بيرد علينا، لحد امبارح متخذناش أي موقف قانوني.
دفاع الضحية يكشف تفاصيل مثيرة ويؤكد: وعود بالتعويض لم تُنفذ
أنا أول مرة في عملي القانوني أشوف أن الجاني هو اللي بيقول تصريحات، والأستاذ نور والمحامي الخاص بيه بيقولوا حاجات كذب وافتراء، أول حاجة قالوا أن نور تكفل بالعلاج وده محصلش.
وتابع محامي ضحية دهس نور النبوي: محامي نور اتفق مع المحصل أنهم يدفعوا له 150 ألف عن الـ 6 شهور اللي هيقعدهم في البيت، ومحدش دفع حاجة، نور هيطلع الشكل الكويس المتربي اللي راضى المحصل، ما أنت اختفيت والفلوس من يوم الأربع، والـ 150 ألف دول مش تعويض الراجل عنده أولاد هيصرف إزاي على بيته والعلاج الطبيعي.
اختفاء مفاجئ وتصريحات متضاربة… تصاعد التوتر في قضية دهس نور النبوي
وواصل: هنطلب تحليل مخدرات لأن تصرفاته مكنتش متزنة، وهنطلب شهادة الشهود، والراجل مش عايز أي تعويض مادي واللي غلط ياخد جزاؤه.
بنوجه رسالة لـ نور: لو أنت شاب صغير وقدرت الموضوع غلط في إيدك تصلحه إحنا مستغربين من رد فعلك.
