دبي ـ السابعة الإخبارية
إيناس الدغيدي تفتح صندوق أسرار النجوم.. كشفت المخرجة إيناس الدغيدي العديد من أسرارها الشخصية والفنية، وتحدثت عن رفضها لأحمد عز وياسمين صبري ومنى زكي، وباحت للمرة الأولى بسرّ عن الفنانة يسرا.
إيناس الدغيدي تفتح صندوق أسرار النجوم
وقالت إيناس الدغيدي خلال استضافتها في برنامج “أسرار” الذي تقدّمه الإعلامية أميرة بدر على قناة “النهار”.
إيناس الدغيدي: أنا مش مغرورة لكن شكلي مغرور
وقالت إيناس: “أنا مش مغرورة لكن شكلي مغرور، وعمرو سعد مكسرش المكتب عندي، هو حد كلّمني قالي فيه ولد كويس أوي هيجيلك المكتب عشان عايز يمثل، وأنا مكنتش موجودة، ومكلّمنيش قبلها، وقال للسكرتيرة أنا مش همشي وقاعد استنى، فاكر إنها مخبياني عنه، وهو كتب لي جواب، بس عرفت الموضوع ده بعد ما بقى عمرو سعد”.
إيناس الدغيدي تكشف كيف اختارت أحمد عز للتمثيل
أضافت خلال برنامج أسرار “اخترت أحمد عز من كاست وكان موديل إعلانات، رفضته في الأول، عشان مكنش مناسب سنّاً، بسبب أنه كان أصغر من يسرا ومش هينفع، الفيلم كان فيه بوسة، ويسرا جات قالتلي مين الراجل اللي هيبوسني، قلتلها جايبالك واحد كويس، عشان مش عايزة تتباس من أي حد، لما شافته قالتلي هو ده اللي اخترتيه؟ طب أنتي بصّيتي على سنانه؟ مش هينفع أبوسه عشان سنانه كلها سودة”.
أوضحت المنتج كان مقتنع بأحمد عز عشان وسامته، وراح قال ليسرا فيه واحد كويس أوي بس إيناس شايفة أنه صغير، لما شافته قالتلي ده أنا هبوسه لكن اللي إنتي مختاراه مش هينفع، قلتلها ده صغير، قالتلي ماليش دعوة”.
استطرت إيناس الدغيدي خلال برنامج”أسرار”، “أحمد عز بعد الموقف ده راح اتعلّم وجالي قالي عايز أعمل فيلم، عملت به “مذكرات مراهقة”، وعز تطور جداً، ومجتهد ومركز وعنده هدف”.
إيناس الدغيدي :بقالي 14 سنة مشتغلتش
وقالت المخرجة إيناس الدغيدي :”بقالي 14 سنة مشتغلتش واسمي موجود، وفيه مخرجين موجودين والناس متعرفهمش، والمخرجين أنواع، فيه اللي بينفّذ وفي اللي عنده فكر، أنا من اللي عندهم فكر”.
وأوضحت أن سبب ابتعادها عن السينما هو ما حدث بسبب التزمت الفكري في مصر وده سبب ابتعادي 14 سنة، لأنهم مش عايزين واحدة زي إيناس الدغيدي تتكلم”.
وكشفت أن لديها مشاريع زي “الصمت” و”عصر الحريم” ومن ثماني سنوات، بيتكلم عن الجواري في مصر، وموضوعه يجنّن وقد إيه المرأة المصرية من 1800 بتدافع عن حقوقها”.
إيناس الدغيدي: كل الفنانات دخلوا الوسط الفني عشان الجمال
أضافت كل الفنانات دخلوا الوسط عشان الجمال، وياسمين صبري دخلت عشان جميلة، بس عايزة تتطور، أنا بحبها بس عاوزة مخرجين ومساعدين يساعدوها”.
وقالت إن الفنانة “منى زكي أخدت كورسات وهي ممثلة كبيرة، وهاني خليفة مخرج شاطر، ومن أنصار شريف عرفة لأنه كان المساعد بتاعي”.
إيناس الدغيدي: تحدّيت كل حاجة حتى الدين وزوجي كان مسيحي
وكشفت إيناس الدغيدي أنها تجوزت من الذي احبّيته، وقالت “عشت قصة حب تسع سنين وتحدّيت كل حاجة حتى الدين وكان مسيحي وأسلم عشاني، ودخلت السينما، وكانوا رافضين عشان الديانة”.
إيناس الدغيدي: “أنا واحدة ربنا خلقها عكس الناس”
أضافت “أنا واحدة ربنا خلقها عكس الناس، ومش قاصدة لكن أنا من طفولتي كده، إحنا ثماني إخوات أنا عكسهم دايماً وعلاقتي بيهم حلوة ووالدي توفّى وهو راضي عني”.
وقالت “لما بقيت مخرجة والدي قال أنا اللي شجّعتها، ووعدته إن التمثيل لا”، كما أشارت إلى أنها “دخلت الفن بالصدفة، ومكنتش أعرف يعني إيه فن”.
وكشفت إيناس الدغيدي أنها انفصلت عن زوجها قبل وفاته، بسبب أنه ابتدى يغير مني لما كبرنا”.
– لكتابة مقال خاص عن اسم مؤسستك أو شركتك يمكنك المراسلة عبر البريد الإلكتروني التالي:
info@7news1.com
