القاهرة – السابعة الاخبارية
حمو بيكا، يستعد حمو بيكا للعودة لنشاطه الفني خلال الأيام الجاية، بعد ما تم تقليص مدة إيقافه من قبل نقابة المهن الموسيقية من شهرين إلى شهر واحد، بسبب الأزمة اللي حصلت مؤخرًا بعد فيديو تم تداوله واحتوى على كلام اعتُبر مسيء لمؤسسات الدولة.
انتهاء إيقاف حمو بيكا وعودته للنشاط الفني 25 مايو بعد تقليص العقوب
مصادر من داخل النقابة قالت إن بيكا هيرجع يشتغل من تاني يوم الأحد 25 مايو، بعد ما كان اتوقف يوم 25 أبريل اللي فات، واستُدعي للتحقيق بشكل رسمي في مقر النقابة.
النقابة كانت فتحت تحقيق معاه بخصوص الفيديو، وقال حمو بيكا في التحقيق إن الأغنية اللي غناها من تأليف مطرب شعبي قديم اسمه الجوكر، وإنه مش أول واحد يقدمها، وطالب كمان بالتحقيق مع المطربين اللي غنوها قبله.
نقابة الموسيقيين قررت إيقاف حمو بيكا لمدة شهرين ورضا البحراوي لمدة شهر، وإحالتهم لمجلس التأديب على خلفية نفس الأزمة.
حمو بيكا يرجع للساحة الفنية بعد تقليص مدة الإيقاف من النقابة
وفي أول تعليق ليه على اللي حصل، كتب حمو بيكا على صفحته إنه بيحترم قرار النقابة والفنان مصطفى كامل، وأكد التزامه الكامل بالقرار، وكمان عبر عن تقديره للنقابة كمؤسسة فنية كبيرة.
وبيجهز حمو بيكا حاليًا لطرح أكتر من أغنية جديدة كان خلص تسجيلهم الفترة اللي فاتت.
