متابعات _السابعه الاخباريه
في حديث صريح خلال استضافته في برنامج “مع نزار” الذي يقدمه الإعلامي العراقي نزار الفارس، فتح الفنان خالد الصاوي قلبه وتحدث عن أبرز قرار ندم عليه في حياته، وهو تأخره في الزواج والإنجاب.
ندم الأبوة المتأخرة
قال الصاوي بأسف:”ندمت إني مخلّفتش، الجواز لازم يبقى بدري، لو خلّفت دلوقتي هبقى جده مش أبوه. هحبه طبعاً، لكن مش هلحق أكمل معاه المشوار.”
وعن سبب عدم إنجابه في سنواته الماضية، أوضح:
“ما خلفتش عشان كان عندي فيروس سي، وكنت بتعالج منه بأدوية زي السمّ، اللي بتتعقب الفيروس في الجسم عشان تقضي عليه.
جسمي كان مليان بالفيروس والسموم، فكان قراري وقتها ما أخلفش، لكن برضو القرار ده مكنش صح.”
رحلة من الإلحاد إلى الإيمان
خلال اللقاء، استعاد الصاوي فترة صعبة من حياته، حينما مر بتجربة الإلحاد في الثلاثينيات والأربعينيات من عمره. تحدث عن هذه المرحلة قائلاً:
عرض هذا المنشور على Instagram
“كنت ملحد سنين طويلة، لكن كان إلحادي مختلف، نوع بيسموه الإلحاد الصوفي. بالنسبة لي القضية كانت 50% فيه إله و50% مافيش.
الحواس مش بتوصل للحقيقة، والاستنتاج العقلي بيقول الاتنين.”
وأضاف:
“كنت بحاول أفهم بالإيمان القلبي، وده اللي خلاني في النهاية أرجع للإيمان بالله مش بالعقل.”
الصاوي بين الندم والأمل
رغم ندبه على عدم الإنجاب والزواج في وقت مبكر، فإن خالد الصاوي يواصل رحلته في الحياة والفن بروح صادقة وشفافة.
تجربته الإنسانية والفكرية العميقة تعكس شخصيته المتفردة في الوسط الفني، حيث يجمع بين التمثيل والإبداع الفكري الذي يلامس قلوب جمهوره.
