خاص- السابعة الإخبارية
خواطر بدر بن عبدالمحسن قصيرة.. تتصدر محركات البحث عقب وفاة الأمير والشاعر السعودي بدر بن عبدالمحسن، يوم السبت 4 مايو 2024، عن عمر يناهز الـ 75 عامًا.
وكتبت خواطر بدر بن عبدالمحسن قصيرة، على مدار عمره الملئ بالقصائد والخواطر والأشعار التي لاقت شعبية كبيرة وإقبالًا في الوطن العربي
جاء سبب وفاة الأمير السعودي بدر بن عبدالمحسن، يوم السبت 4 مايو 2024، بعد صراع طويل مع المرض.
خواطر بدر بن عبدالمحسن قصيرة
تضم خواطر بدر بن عبدالمحسن قصيرة عددًا كبيرً من القصائد من بينها التالي:
– الروح الجريحة
يا عذولي.. وش تفيد به النصيحه… لا تعذل القلب.. وجروحه طريّه
من يداوي علة الروح الجريحه… ومن يسلي دمعة العين الشقيه
ان شكيت من الهوى.. قالوا فضيحه… وان سكت استنقدوا جرحي عليه
وان نويت البعد.. ضاقت بي الفسيحه… وان بغيت القرب.. خان القرب فيه
من عذلني في الهوى الله يبيحه… ومن عذرني.. ما حصل مني خطيه
– سافري
سافري كان يرضيك السفر… جربي لو ورى ليلي صباح
بدلي الرمل بأمواج البحر… واتبعي الغيم تحملك الرياح
سافري لين تبكين المطر… واضحكي لين ما يضيق البراح
ولا تعبتي وحسيتي بضجر… خلي الشوق لديارك جناح
أرجعي في ابتساماتك عذر… مثل ما الدمع في عيني سماح
انتي العين من طول النظر… وانتي القلب من كثر الجراح
– ذليل الدمع
أنا لانيب لاشاكي .. ولاعتاب كفاني اشطون هواك اللي نثرته لاتعجب لاأنكسر كاسه
ترى ما يذبح العاشق مثل دمعٍ بكته اعيون .. على موت الأمل واللي يحبه هو سبب ياسه
حبيبي ما خبرت الدمع يرقا وجنة المشطون ذليل الدمع .. لابد يتحدر لو رفع راسه
بقالي عزتي ياللي على اللي ما سواها تمون.. وأظنك ما سمعت بعاشقٍ قلبه عصى وداسه
أنا الحطاب في قاعٍ جرد ما به شجر وغصون.. حداه البرد والليل الطويل وشب في فاسه
– سيف الغضب
أفداك أنا كلي.. عودي غصن يابس
لا تحرقيني اليوم.. حر وسموم وصيف ..
إنتي إجلسي فـ ظلي … ولا جا الشتاء يمدي
لا تجرديني اليوم … خليني في غمدي
سيف الغضب ماضي خلي الكلام يموت
ووقت الغضب ماضي … لا ترجعيه بصوت
وش كثر أنا راضي حبيبتي عندي
قولي لي يا بعدي.. يومين ماشفتك
يومين مالي عيون … محروقه أجفاني بشموع إحساسي
كانت دموعي فوق وجهي وانفاسي
وظلي على كتفك وراسي على زندي
أفداك أنا والله لاتسمعي رعدي
ولا يزعجك برقي … انا لو شكيت أحلم
ما به زمن نندم .. ومابه عمر للخوف
إنتي احفظيني فم … ولا تحفظيني حروف
ولو غرقت فــ يم .. لا تعشقي بعدي
– جرحي بخير
ومرت سنه .. على فراقك
على صوتك .. واشواقك
غريب كيف االزمن يرحل
واحلام العمر .. تذبل ..
سنه مرت .. وانا أول ..
حبيبٍ يوقد الشمعه
لجرحه في يوم ميلاده
هلا .. بالحب .. واعياده
وكل عامٍ .. وجرحي بخير
مشيت دروبنا .. خطاوي قلوبنا
ومريت الوعد .. وعدنا العام
ماكان الوعد .. ولا الأيام .. هي الايام
وما ادري ليه هالشارع .. نسوه الناس
ومتى هالمقعد الخالي .. يجوه الناس
حبيبي .. ليه فـ غيابك .. يغيبوا الناس
حبيبي .. ايه والله حبيبي .. ايه والله
نساني العمر.. لو انساه
نساني الفرح .. لو انساه
احبه .. ما ظهر نجم .. ونبت عشب .. وسرى براق
أحبه .. لا زمن يشقي جروحي .. لا جفا .. وفراق
أنا هذا الهوى كله .. وقلبي آخر العشاق.
– سوالف عرب على جال ضوهم
عبر العصور .. السالفه ..
كانوا العرب .. يشرون
المهر .. بمية ناقة
كانوا الرجال .. مثل الرماح ..
قاماتهم مشدودةٍ .. ودقاقة
وكانوا الحريم .. صبرٍ قديم
وفا .. وسماح ..
والى .. اقطعوا عن الفطيم .. الحليب
قصوا عسيب .. من انخله
واعطوه له وقالوا فرس
اعطوا الصغير .. سيفٍ خشب
ومجدٍ يحبه .. يوالفه
السالفه .. رغم الفقر
والجهل .. واوقات المرض
ماكان للبسمة غرض
ولا كان للدمعه .. غرض
ماكان في الدنيا .. سوى
ثوب ورغيف .. وعرض نظيف
وكرامةٍ ماهي تمس ..
السالفه .. اني أحس
انا عكسنا السالفه
صحيح قهرنا الفقر
والجهل .. وايام المرض
لكن غدى لكل شي .. غرض
السالفه .. ان القديم
كله غدينا .. انخالفه
ابدون وعى .. والابوعى
ماانتم معي .. انها قديمه السالفه
– الأمير بدر بن عبدالمحسن ويكيبيديا
هو الأمير بدر بن عبد المحسن بن عبد العزيز آل سعود، ولد 29 أبريل 1949، في الرياض.
يعد من أبرز رواد الحداثة الشعرية في الجزيرة العربية، حيث له مجهودات كبيرة في وضع نصوص أدبية، تجمع بين الغزل والفخر والرثاء والواقع الاجتماعي والسياسي.
كان والد الأمير بدر عبدالمحسن، محباً للعلم والأدب، حيث كان شاعرًا مبدعًا، يمتلك مكتبة ضخمة.
كان مجلس والده، مليء بالعلماء والأدباء وكبار المفكرين، ما كان له الأثر البالغ في نشأة الأمير بدر.
درس الابتدائية بين السعودية ومصر، والمتوسطة في مدرسة الملكة فكتوريا في الإسكندرية.
درس المرحلة الثانوية في الرياض، ثم درس في بريطانيا والولايات المتحدة الأمريكية.
زامل الشاعر السعودي، عدد من الشعراء الكبار في المملكة من بينهم: محمد العبد الله الفيصل، خالد الفيصل، خالد بن يزيد، ومحمد بن أحمد السديري، وغيرهم.
*************
– لكتابة مقال خاص عن اسم مؤسستك أو شركتك يمكنك المراسلة عبر البريد الإلكتروني التالي:
