تريند – السابعة الإخبارية
في أول أيام شهر رمضان المبارك الموافق لـ 11 مارس 2024, بدأت قناة “MBC مصر” عرض الحلقة الأولى من برنامج “رامز جاب من الآخر” والبداية كانت مع الثنائي أحمد السقا وباسم سمرة.
وشرح رامز جلال لجمهوره فكرة البرنامج بالقول: “أعزائي المشاهدين السنة دي قررت أبقى مذيع في برنامج حواري شهير ولأني طبعاً شرير قلت أجيب اتنين زملاء من غير ما يعرفوا أنهم هيتقابلوا ولا هيقابلوا نفس المصير بس لازم يكون في بينهم خلاف كبير متخانقين او منفسنين او مفيش بينهم أي تقدير وبعدين يتورطوا في موقف مرعب كله تدمير وطول التصوير كنا في صراع مرير ناس مستحملتش وناس مكملتش ومفيش داعي للتفسير ورمضان كريم… بس جمدوا قلبكم لأن اللي هتشوفوه خطير”.
رامز جلال يستضيف باسم سمرة وأحمد السقا
الكالون في السيفون.. شوف اعترافات كوميدية لـ باسم سمرة وأحمد السقا بعد ما شافوا رامز جلال
— MBC مصر (@mbcmasr) March 11, 2024
يعرض حصريا على شاهد *مجاناً في الشرق الأوسط وشمال أفريقياhttps://t.co/PTalxkdSxW#رامز_جاب_من_الاخر #MBCMASR#رمضان_يجمعنا pic.twitter.com/Pk8ERwiNYI
وبعدها قدم رامز ضيوف الحلقة الأولى من برنامجه وهم أحمد السقا وباسم سمرة، وذلك بعد الخلاف الأخير الذي حدث بينهم نتيجة أحد تصريحات باسم سمرة عن السقا في أحد البرامج.
وقال رامز في مقدمته: “قررت أدخل المعترك وربنا يقدرني وأنهي الخلاف معانا ومعاكم الفارس وسيد المعلمين، الفتوات اللي مستحملش منهم زقة، باسم سمرة وأحمد السقا”.
وتابع رامز مقدمته وقال: “جموع الوطن العربي، 14 سنة كفاح ومفيش رمضان عنكم بغيب، راجعلكم السنة ببرنامج يخلي الشعر يشيب”، وبعدها قدم رامز مساعده في البرنامج وهو الكلب نيوتين الذي يستعين به في المقلب وقال رامز: “ملقتش غير واحد بس اللي يساعدني وهو نيوتن”.
أحمد السقا: “مبسوط إن رامز عقل”
ووصل في البداية السقا، وقال “مبسوط أن رامز هيبقى محاور ويبعد عن المقالب وأنه عقل ورامز دفعتي في الأكاديمية” وفي منتصف المقدمة قام رامز بدخول مفاجئ لأحمد السقا، وبعدها جلس السقا مع رامز وبدأ يتحاور معه.
ماذا قال باسم سمرة عن نيللي كريم..؟
وبعد ذلك قابل رامز، باسم سمرة واستقبله كي يراجع معه الأسئلة، ومن ضمن الأسئلة كان عن تصريحه السابق أنه علم نيللي كريم التمثيل، وقال: “ده قولته علشان كان في عمل بينا وكنت مبسوط أني همثل معاها وقامت جابت جوزها بتاع الأسكواش”.
مقلب رامز جلال في السقا وسمرة
وبدأ رامز المقلب بجمع الثنائي سوياً، وقال لباسم: “انت قولت أن أحمد السقا شال منك مشاهد من فيلم الجزيرة”، وقال السقا: “أنا مشلتش حاجة”، وقال رامز: “أشتغلت معاه تاني ليه يا سقا”، فرد السقا: “علشان باسم أخويا ومن منطقة واحدة”.
وبعدها دخل الثنائي السقا وسمرة نفق وبدأ رامز ينزل لهم بعد الزواحف، وبعدها أخذ رامز يطلب منهم الغناء، ليسقطوا في الماء، وكرر السقا قائلا: “هطلع وأموتك يا رامز”، وبعد خروجهم من الماء قاما بمقابلة النعام.
وفي نهاية الحلقة رفض رامز جلال أن ينزل لمقابلتهم، وذلك بعدما خلع أحمد السقا حزامه كي يضربه وقال: “أنا مش نازل يا سيد المعلمين”.
برنامج رامز جاب من الآخر
ويستضيف الفنان رامز جلال في برنامجه “رامز جاب من الآخر” عدد كبير من الفنانين، ممن بينهم خلافات وتصريحات نارية, ومن بينهم حسن شاكوش وطليقته ريم طارق، سمية الخشاب وأيتن عامر، محمد أبو جبل ومصطفى شوبير وغيرهم.
– لكتابة مقال خاص عن اسم مؤسستك أو شركتك يمكنك المراسلة عبر البريد الإلكتروني التالي:
