خاص- السابعة الإخبارية
“النهاردة وأنا مروحة، وكالعادة راكبة الباص (سيارة أجرة) لسوء الحظ فيه واحد قعد في الكرسي خلفي، وتفاجأت بأخينا يضع يده علي رجلي من الجنب”.. هكذا تروي إسراء علاء، ما تعرضت له من تحرش في المواصلات العامة.
إسراء هشمت وجه المتحرش
تقول الفتاة المصرية: “حقيقي من كتر ما إيده خفيفة زي الحرامية، أنا ماكنتش حاسة، وبجد مبسوطة أوي إنك هتدخل البيت على أهلك النهاردة وفيه بنت مروقاك، وأتمني اللي عملته فيك النهاردة يبقى عبرة”.
إسراء علاء، إحدى الفتيات، التي نشرت ما تعرضت له من تحرش، وكيفية التعامل مع المتحرش، عبر حسابه الشخصي، على موقع التواصل الاجتماعي “فيس بوك”، حيث حاول أحد الأشخاض، لمسها أثناء جلوسه بجانبه داخل الميكروباص، لكنها انفعلت وهشّمت وجهه.
تتابع إسراء: “نفسي أصوره بجد بس للأسف، خد البوكس ونزل يجري ومالحقنهوش، رسالة حابة أوصلها لكل بنت طول ما انتي صاحبة حق، أوعي تخافي من أي حاجة وربنا يسترها علينا كلنا”.
إسراء ترتدي خاتم في هيئة سلاح
ونشرت إسراء مع صورة ترتدي فيها خاتم، يشبه السلاح، حيث له بروز حادة، وهو ما آثار فضول المتابعين، لمعرفة السبب وراء ارتداءها خاتم بهذا الشكل، فردت قائلة: “كل الناس اللي بتسأل هل ده سلاح ولا لا.. أولا ده لا يندرج تحت مسمى سلاح، لإنه ببساطة خاتم عادي”.
وأوضحت: “كمان الخاتم مش حاد خالص، وأنا بلبسه أكسسوار عادي، بس أنا مدربة وبلعب بوكس، ففي حاجه اسمها نقط ضعف، وبكل بساطة أنا ضربته في مناخيره (أنفه) وده كان سبب النزيف مش الخاتم خالص”.
يا بختك يا إسراء
منشور إسراء، شاركه ما يقرب من 15 ألف متابع، بالإضافة لآلاف الإعجابات والتعليقات، التي ترفض التحرش، جاء من بينها:
– “عملتي اللي بيكون نفسي أقوله لما اشوف بنت بتقول حصل وحصل فيا، جدعة بجد ربنا يسترها ع كل البنات يارب”.
– “طب والله تسلمي على اللي انتي عملتيه”
– “هجيب خاتم زي ده لخطيبتي”
– “بجد فخورة بيكي اوي ربنا يحميكي”.
– ما شاء الله عليكى، يا بختك بجد أنا تعرضت لكده كتير وأنا مروحة من الجامعة، بس بكون مرعوبة وما بعرفش اتصرف خالص”.
