فتح حساب يدعي “Realistic” لصاحبه الذي يعمل في مجال الصيدلة والأدوية، وفقًا لتعريفه على صفحته الشخصية عبر موقع “تويتر”، حديثًا حول المصاريف الشخصية، ومدى التبذير الذي يفعله، بسبب سهولة عملية الدفع من خلال الخدمات الرقمية.
الجدال الذي طرحه “Realistic”، جاء بعد تعليقه على أحد المنشورات “عبر تويتر”، تتحدث عن التوفير في المصاريف، حيث قال: إن شاء الله ما يلتفت لنا.. سويت كشف حسابي لأخر ٦ اشهر ، لقيت أن حدود ١٠٠ ألف طارت”.
وكشف عن الطريقة التي أنفق خلالها 100 ألف ريال خلال 6 أشهر، قائلًا: كانت تمشية، ومقاهي، ومطاعم وملابس، وغيرها ، وغالبية الأحيان الهياط المبالغ فيه”.
مختتمًا: “مبلغ لا يستهان به بتاتا، ويروح في أشياء تافهة ولا تستحق ذلك”.
ان شاء الله ما يلتفت لنا.
— Realistic (@Dr_Pharma9) May 24, 2023
سويت كشف حسابي لأخر ٦ اشهر ، لقيت ان حدود ١٠٠ الف طارت في تمشية ومقاهي ومطاعم وملابس وغيرها ، وغالبية الاحيان الهياط المبالغ فيه.
مبلغ لا يستهان به بتاتا، ويروح في اشياء تافهة ولا تستحق ذلك.
عقب ظهور التعليق، تدفقت الردود على “Realistic”، حيث قالت “ندى”: أنا مره راجعت صرفيتي من راتبي في المقاهي والمطاعم حق شهر، انصدمت أني بحدود فوق 2000 راحت فيها، والمشكلة أن عندي أولويات ماسويتها، وبعد كنت استغرب ليه أطفر بسرعة”.
يرد “Realistic”: “واحدة من الأخوات بالمنشن حسبت صرفيتي بالقهوة بس طلعت ٣٦٠٠ ريال.. مبلغ جامد والله، هذا يدل على أن الـ apple pay والبطاقة سهلت عملية الدفع بشكل كبير، فصرنا ندفع ولا نلاحظ.
حساب يدعى “روري 97” علقت: “١٠٠ ألف هاذي تسفرني ٣ دول بالراحة وأحلى إجازه و بسطة ومتعة، ويمكن أكثر”، متسائلة: “إذا بتنصرف في مطاعم خلال ٦ شهور كم وزنك؟”.
وتابعت: “القهوة والحلا بالكثير ماتكلف فوق ٥٠ ، حتى التماشي ما توصل بس دامك تقول هياط، معناته تصرف بأشياء غالية جدًا، ممكن تكون قليلة بس غالية عموما الله يهنيك بس جد حرام”.
١٠٠ الف هاذي تسفرني ٣ دول بالراحه واحلى اجازه و بسطه و متعه و يمكن اكثر بس السؤال اذا بتنصرف في مطاعم خلال ٦ شهور كم وزنك؟ القهوه والحلا بالكثير ماتكلف فوق ٥٠ حتى التماشي ماتوصل بس دامك تقول هياط معناته تصرف باشياء غاليه جدا ممكن تكون قليله بس غاليه عموما الله يهنيك بس جد حرام
— Rory97 (@Rory9797) May 24, 2023
يرد “Realistic“: متوسط وزني ٨٢ كجم في ١٨٦ سم.. قصدي مطاعم صحية، بتكون أغلى من مطاعم الوجبات السريعة، والله يا أختي، القهوة لازم مرتين باليوم أقل شيء عشان اصحصح لي ولأختي”.
ويضيف: “الملابس والجزم وطقتها تاخذ مني مبلغ كبير.. غير العزايم لأخوياي، وقطات الاستراحة أو حجوزات المقاهي بوقت المباريات وألخ.. السفر دايما يكون مع البونص من الشركة ، اسافر فيه ، ما أشيل همه”.
متوسط ، وزني ٨٢ كجم في ١٨٦ سم.
— Realistic (@Dr_Pharma9) May 24, 2023
قصدي مطاعم صحية ( اغلى من مطاعم الوجبات السريعة ).
والله ياختي ، القهوة لازم مرتين باليوم اقل شيء عشان اصحصح لي ولأختي .. الملابس والجزم وطقتها تاخذ مني مبلغ كبير.. غير العزايم لأخوياي، وقطات الاستراحة او حجوزات المقاهي بوقت المباريات والخ….…
يقول أحد المعلقين: “يارجال لو تتقهوى نفط ماتصرف ١٠٠ ألف في ٦ أشهر”.
يرد “Realistic“: “ماودي اصدمك، لأن توني انصدمت صدمة ثانية.. الله المستعان، آخر ٣ اشهر لي سحبت مايقارب ٧٠ ألف وطارت.. الـ١٠٠ ورا ١٠٠ هذي نتايجها.
يعلق “حمد”: “الله يبارك لك في حلالك المبلغ هذا يعيش ناس واجد التبذير له عواقب”
يرد “Realistic“: والله كلامك بالعين والعقل.. لكن صح أني مبذر نوعا ما، لكني استثمر جزء من راتبي شهريًا.
التبذير مايمنعك تستثمر، وبحاول بأذن الله اقلل من صرفيتي، واحطها بشيء يعود لي بمنفعة.
ونصح أحد المعلقين: “لاتنسوا الصدقة، فهي تبارك المال وتنميه والمؤمن في ظل صدقته يوم القيامة، الله يبارك لكم ويرزقنا جميعا الرزق الحلال الطيب وكل ماأنفقناه سنسأل عنه يوم القيامة.
حساب روما العربي “قمرة” قالت: “تقريباً ٣٦٠٠ تصرف ع القهوة خلال شهر من غير الأنتظار ومن غير المشوار الطويل لو كنت بمدينة يأخذ من وقتك، جرب قهوة البيت لين تضبطها تركي أمريكي اسبريسو، النوع اللي تفضله والله القهوة بالبيت لها طعم ولذة غير ببجامة مريحة وفيروز مع جلسه حول زرعات البيت.
يعني انت تصرف شهريا ١٦٦٠٠ ريال لشخص واحد ؟ هل هذا منطق اللهم لاحسد سويلك ميزانية محدده وابدأ اجمع لمدة عام كامل بتشوف فرق كبير
— تحليل الاتجاه (@AM70703) May 25, 2023
يرد “Realistic“: “مبلغ جامد والله.. بالنسبة لي عادي اشتري لي مكينة وازبط قهوتي.. لكن أختي لازم تبي ستاربكس، وش نسوي، لأجل عين تكرم مدينة”.
يعلق حساب “ناصر عبد الله” قائلًا: “والله أن الصرف صار عالي جدًا، كل يوم ٢٠٠ إلى ٣٠٠ يوميًا مشكلة”.
يرد “Realistic“: والله يا ناصر، مشكلتنا الإدارة المالية منحدرة، نشتري أشياء ما نحتاجها، وملابس فوق ملابس، والمقاهي وغيرها.. فكرت اشوف لي دورة لعلي اتحسن من الناحية المالي.
وقدم أحد النشطاء، صاحب حساب “زياد” نصحيته قائلًا: نصحيه أخويه، أول شئ، وقبل كل شئ، لازم تحاول باللي تقدر تخفف الصرف، مهما كان اللي بحسابك أشياء مالها لازم لاتشتريها، وبخصوص القهوة، إذا أنك من المدمنين، خذ لك جهاز وضبط ركن بالغرفه بيفرق معاك.
وأضاف: “بخصوص أخوياك، الطلعة كل يوم مالها لازم، وأن كانو أخوياك من النوع البي تمون عليهم ودايم معاهم، خلو الوضع قطة من ناحية الحجز والعشاء وغيرها، وبخصوص الملابس ماهو كل شهر ملابس، اسمحلي هذا تبذير أعرف وين ريالك يروح، ومتى يروح صدقني بتحتاجها.
يرد “Realistic“: سبحان الله بعض الصدف تجي لهدف معين، لو مو تغريدتي كان من الممكن استمر على نفس نهج صرفيتي، مقدر وشاكر.
وظيفة “Realistic”
يقول “Realistic” عن وظيفته: وظيفتي بقطاع صحي ، بشكل أعمق هو تصنيع الأدوية وتفاعلاتها بالجسم وألخ، ف يعطوني بدلات ومكافأت عمل بسبب بيئة العمل اللي تتعرض له من للمواد الكيميائية، وأيضا اوفر تايم وغيرها.. بشكل عام القطاعات الصحية رواتبهم عالية جدا.
هلا اختي.
— Realistic (@Dr_Pharma9) May 25, 2023
وظيفتي بقطاع صحي ، بشكل اعمق هو تصنيع الادوية وتفاعلاتها بالجسم والخ، ف يعطوني بدلات ومكافأت عمل بسبب بيئة العمل الي تتعرض له من للمواد الكيميائية وايضا اوفر تايم وغيرها.. بشكل عام القطاعات الصحية رواتبهم عالية جدا.
وفلوسي فعليا احتياجي لها للترفيه وغيره.
برضوا استثمر…
وفلوسي فعليا احتياجي لها للترفيه وغيره، برضه استثمر بجزء من فلوسي وانصح الجميع بذلك، ويجيني عوائد ربعية من شركات.
