القاهرة- السابعة الإخباربة
كشفت ريم طارق، طليقة مطرب المهرجانات حسن شاكوش، مفاجأة من العيار الثقيل أثارت جدل كبير على السوشيال ميديا، حيث قال ريم إن فيديو الاعتذار كان فيلم ولعبة.
ريم طارق: شاكوش عمل لعبة عليا
وقالت ريم، خلال لقائها بالإعلامية بسمة وهبة، ببرنامج”90 دقيقة”، المذاع على قناة “المحور” :”فيديو الاعتذار اللي نزلته على السوشيال ميديا وقولت فيه أن شاكوش راجل محترم وخدت كل حقوقي الشرعية كان فيلم ولعبة”.
ريم طارق: عملت فيديو الاعتذار تحت ضغط
وتابعت:”الفيديو كان إجباري عليا اني اعمله، وعملت الفيديو عشان اخد حاجتي لكن حسن ضحك عليا، ومفيش أي صلح حصل بيني وبين حسن والقضايا بينا لسه شغالة”.
ودخلت ريم في نوبة من البكاء على الهواء، بسبب أزمتها مع شاكوش وعدم حصولها على حقوقها الشرعية، قائلة:” شاكوش فضحني وخدعني وجرسني وشهر بيا على السوشيال ميديا كلها، وداس على كرامتي بالجزمة كمان”.
ريم طارق: شاكوش كان بيجيب بنات في أوضة نومي
وأشارت ريم إلى أن شاكوش ارتكب الكثير في حقها، :”كان عايز يوقعني في الغلط، وكنت بلاقي بنات بتلبس قمصان نوم بتاعتي في أوضة نومي، وبيتصوروا بيها كمان وفي لبس كتير من حاجتي اللي اتلبست ملقتهاش”.
وعن المؤخر، أوضحت ريم أنها طلبت من شاكوش 600 ألف جنيه، لكنه رفض وقالها 400 فقط، :”ولحد دلوقتي مدفعهمش وكمان طالع لابس بيجامتي في الفيديو اللي نزله عشان يستفزني، انا هاخد حقي بالقانون منه”.
قصة فيديو اعتذار ريم طارق لشاكوش
جدير بالذكر أن ريم طارق، أعلنت في فيديو تم تداوله على السوشيال ميديا، انتهاء الخلافات بينها وبين شاكوش، مؤكدة أنها حصلت على كافة حقوقها الشرعية منه.
وقالت ريم، خلال فيديو تم تداوله على السوشيال ميديا، :”الحمد لله أخدت كل حقوقي الشرعية من حسن، والحمد لله هو شخص كويس وانا كمان كويسة، واحب أقول ان حسن راجل محترم، وكل اللي حصل ده كان سوء تفاهم بسبب تدخل أكثر من طرف”.
كما وجهت ريم الاعتذار لكل من تم ذكر اسمه في أزمتها مع شاكوش، :”أي حد سيرته جت في الموضوع سواء من أهله أو من أهلي أو مامته، حقهم على رأسي وكل شيء قسمة ونصيب”.
