خاص – السابعة الإخبارية
كشف الفنان أحمد حلمي، أو ميدو مشاكل، كما يطلق عليه، أسرار طفولته، وعن تعلقه بوالده وكيفية تحقيقه للنجاح والوصول للشهرة،
وقال حلمي خلال لقائه في برنامج AB TALKS الذي يقدمه الإعلامي أنس بوخش، عن أهم المعلومات في حياته الفنية وسر غيابه عن السينما وأكثر الأشياء التى يحبها، وهل هو أب جيد أم عصبي.
واليكم أهم المعلومات عن الفنان الكوميدي أحمد حلمي
- طفولتي لم تكن كما أحب، وكان نفسي أكون بعرف لغات وأكون بسافر كتير وأنا صغير.
- حبيت خالة صاحبي وأنا عندي 6 سنين، ومعرفتش أكشف ليه عن الحقيقة
- والدي كان أكثر شخص صانع أمل في حياتي وذلك بسبب معاناته في آواخر أيام حياته.
- كتبت إهداء لوالدي في الكتاب الوحيد اللي عملته وقلتله فيه أبي هل تراني كما أراك دوما في منامي.
- بعد ما مات اكتشفت أنه كان بيعمل خير كتير ومكنش قايل لحد عليها غير أخوه
- ملحقتش أشبع من أبويا ونفسي أرجع صغير علشان أعيش معاه”.
– عمري ما كنت أحلم في يوم من الأيام أن يكون معايا فلوس، علشان كنت في الحضيض.
– متخيلتش أني أنجح في ثانوية عامة وأني هبقى مشهور وعمري ما سعيت للحكاية دي.
– عمري ما عرفت أنا مين، بحس تكويني كتلة من التناقضات كلها، وسألت نفسي كتير مين أنا وموصلتش لحل.
– كنت بحب الشهرة في بداية حياتي ولما الناس عرفتني وبيتفاعلوا معايا، ما بقتش أهتم أكتر ما بحب أعمل عمل فني كويس يبسطني ويبسطهم.
- عمري ما كنت أحلم بالشهرة، ولما وصلت للشهرة أخدت مني حاجات لها علاقة بحريتي.
- عمري ما كنت أحلم أو أتخيل يكون معايا فلوس، أو أنجح في ثانوية عامة والحمد لله نجحت، والفلوس مش أهم حاجة في حياتي.
- تزوجت منى زكي في 2002، وأهم شيء في نجاح الزواج وجعل العلاقة سعيدة الوصول للغة تالتة مشتركة يفهموا بعض من خلالها.
- أشوف نفسي كأب كويس وأنا مش الأب العصبي ولا العنيف الجامد الناشف في تعامله مع ولاده.
- أكتر حاجة بصرف فلوسي عليها هي السيارات، وأنا الحمد لله إنسان سعيد.
- أنا غائب عن المشهد الفني منذ فترة لأنني لم أجد ما أرغب في عمله.
- لو الوقت بيروح والدنيا زنقت هجيب عمل خفيف ورسالته الناس تضحك وتنبسط وهعمله.
***************
– لكتابة مقال خاص عن اسم مؤسستك أو شركتك يمكنك المراسلة عبر البريد الإلكتروني التالي:
