خاص- السابعة الإخبارية
نشرت صفحة “يوميات لولا” المختصة في الطبخ وتقديم وصفات الطعام المختلفة، عددًا من الوصفات لتخرج وجبتك المفضلة كما ترغبين وأكثر.
ونالت وصفات “لولا”، إعجاب المتابعين، الذين حرصوا على تجربتها، والتأكيد على فائدة تلك الوصفات، التي وصفها البعض بأنها “أسرار لا يعلمها سوى ست البيت”.
ونشرت صفحة “يوميات لولا”، عبر موقع التواصل الاجتماعي “فيسبوك”، 20 طريقة يمكن أن تضيف إلى وجبتك مزيدًا من الروعة والجمال، وهي كالتالي:
1- وضع زبادي في تتبيلة البانيه بيخلية طرى ومستوى كويس جدا.
2- الباذنجان المحمر، اقفلي عليه العلبة، وهو سخن، ليظل طريًا، مش ناشف.
3- ملعقة بيكنج بودر، في الشوربة اللي هتسقي بيها الرقاق باللحمة، هيطلع مقرمش ومورق.
4- البطاطا المشوية، اعمليها في الكيس الحراري، ورشي عليها سكر، ودخليها الفرن، هتستوى أسرع.
5- ادعكي الفراخ ببصلة وملح وفلفل، قبل السلق، عشان يبقى ليها طعم وريحة ومتبقاش زفرة.
6- الرز باللبن، ضيفي عليه كيس كريم شانتيه، هيخلى الطعم جامد، وزى بتاع المحلات، والوش كريمي.
7- البسبوسة لازم عسل أبيض أو عسل تقيل في العجن، عشان تكون زى الجاهزة وأحلى.
8- رشي دقيق علي بصل الكشري قبل التحمير عشان يكون مقرمش.
9- رشة زعتر علي صلصة المكرونة بتدى ريحة حلو وطعم مميز.
10- بيكنج بودر علي عجينة الكفتة المشوية، مايخلهاش تكش، وتكون منفوشة زى ما هيا.
11- لفي الليمون في ورق جرائد عشان يحتفظ بلونة ومايعفنش.
12- ملعقة سكر لخلطة المحشي، وابشري الطماطم، وبلاش تعصريها، لو بتحبيه نى فى نى، مش متسبك بيخلى طعمة جميل.
13- تشوح اللحم في الزبد وحبهان وورق لورا، قبل السلق، نديها صدمة عشان يبقى لونة بنى وجميل مش بيضة.
14- الرز الأبيض شوحي مستكة وحبهان في السمن، قبل الرزهيدى ريحة حلوة.
15- أضربي مع الطماطم توم وفلفل رومي وفلفل حامي، لأجمل صلصة مكرونة.
16- إدهني الفراخ والبط بكاتشب وملح وفلفل وقرفة، قبل ما تحطيها فى الفرن هيخليها لونها حلو.
17- الحمام المحشي 30 دقيقة بعد غلي الميه لسلقة.. والممبار 45 دقيقة لسلقة، والفراخ المحشية ساعة وربع.
18- الكيس الحراري لتسوية الفراخ والبط.
19- حشو الجلاش موتزريلا مع العصاج
20- الرز البسمتي اكشفي الغطا بعد ما يستوي عشان يبقى مفلفل ميعجنش
